Aizawl : Budget session neih mêkaa Dr. Vanlalthlana private bill put- luh chungchânga ZPM party thuchhuahah Dr. Vanlalthlana an fak viau laiin, he bill ruahmannaa sulsutu leh house-a theihtawpa thlawptu Lalduh- oma fakna erawh a lang lo nia sawiin, ZPM party-ah Lalduhoma palzut tumna lian tak a awm ta mai em ni? tih chu an zawhna a nih thu an sawi.
PC chuan Lalduhoma chu Dr Vanlalthlana bill putluh a tlang thei dawn lo chung pawha Assembly select committee talin a bawhzui theih tura ṭha- hnemngai taka beitu nia sawiin, fak a phu zawk hle nia a lan laiin, ZPM party thuchhuahin a hming leh a fakawmna an tarlang ve lo chu mak an tih thu an sawi.
‘The Mizoram land revenue (amendment) bill, 2023’ chu ZPM Leader Lalduhoma’n ZNP party a hruai lâi aṭanga a lo vahvaihpui tawh ṭhin a nih thu PC party chuan an sawi a. “Hemi dungzui hian he private bill hi Dr. Vanlalthlana’n ama hming chawia ruahmanna a kalpui ve mai chauh a nih theih laia Pu Duha neksawrna remchang atan leh Dr. Vanlalthlana champion tir zawk tumna remchang ZPM hian a dap ta mai nia lang hi pawi kan tiin inlungrualna tichhe thei zâwnga ke pen lo hram turin ZPM party te duhsakna kan hlan a ni” an ti bawk.