Watford manager hlui Javi Gracia chu Leeds United in manager thar atan an lalut dawn a, hun engemaw chen chhun Jesse Marsch thlaktu tur an zawn hnuah Spanish coach-ah hian thutlukna an sima dawn.
Marsch hi February 6 khan Leeds United in a hna atangin an ban a, a thlaktu tur chu zawn chhunzawm nghal mahse an zawnna kawngah an tum ang vek thil a kal lo.
Kum 52 mi Gracia hian kum 2019 khan Watford chu FA Cup final a hruai thleng a, hemi hnu hian Valencia leh Qatar-ah Al Sadd te a enkawl.
Leeds United hi Premier League-ah 19-na an ni mek a, Inrinni hian an hnuai a awm Southampton nen an inkhel dawn.
Marsch an ban hnuah Under-21 boss Michael Skubala chu caretaker manager-ah an hmang a. Club neitu Andrea Radrizzani chuan manager nghet lakluh tiam vat mahse an tum ang an lalut thei lo zel.
Rayo Vallecano coach Andoni Iraola ngaihven an tum laiin phalsak an ni lova. Feyenoord coach Arne Slot chuan sawm chhuah theih a nih loh thu a lo sawi tawh.
Ajax manager hlui Alfred Schreuder chu sawirik nimahsela fans lamten duh lohna thawm an nei ring a. Marcelo Bielsa hnuaia lo thawk tawh thin Carlos Corberan chu sawi ni bawk mahse West Bromwich Albion a contract thar ziah a thlang.