AMC Mayor’s Cup Inter Ward Football Tournament 2023 semi-final hmasa zawk chu Thawhlehni zan khan khelh a ni a. Ward no. VII in extra-time ah goal khungin 2-1 in Ward no. IV an hneh.
Rajiv Gandhi Stadium a inkhelah hian Ward IV in minute 19-naah Vanlalthlamuana hmangin goal an khung hmasa a. Hei hi minute 75-naah Fredy Lalrinchhana chuan Ward VII tan a sut.
Hun pangngaiah goal luhbelh lovin extra-time khelh a ni a. Extra-time tawp dawnah Gilbert Lalbiaksanga chuan Ward VII chakna tur penalty atangin goal a khung.
AMC Mayor’s Cup semi-final hnuhnung zawk hi nizan khan khelh a ni a, Ward No. XII leh Ward No. XVIII ten final luh an inchuh a ni.