Sorkar laipuia Rubber Board Executive Director Dr. KN Raghavan-a’n Mizoramin hlawk zawka rubber a chin theih nan chi hrang hranga hma an lak thu a sawi.
Dr. Raghavan-a hian nimin khan Aizawl Press Club-ah chanchinbumite kawmin Mizoramah March, 2020 khan Development Office an hawn thu leh tunah hian Manimalayar Depot an hawn thu a sawi a. Mizoramah ram hactare 4,520-a zauah mi 450-in rubber an ching mek a, kuminah hactare 1,600-a zauah hma la turin enfiah mek a ni a, reilo teah ram hectare 6,000 atanga 10,000 an tuam theih an beisei thu a sawi.
Tun tum a zinin a hawn tak, Manimalayar Depot-ah hian lo neituten an rubber chinna bungrua Silchara an lei thin chu awlsam taka an lam zung zung theih tawh dawn thu leh a man pawh a tlawm zawk dawn thu a sawi a. “Rubber thar chhuah pawh rate pangngaiin hian awlsam takin an hralh thei dawn a ni,” a ti.
Mizoram sorkarin tha taka Rubber Board an thawhpui avanga a lawm thu a sawi bawk.