AMC Mayor’s Cup Inter Ward Football Tournament 2023 khelh mekah champion inchuh tur a chiang tawh a. Ward No. VII leh Ward No. XII ten Zirtawpni zanah final an khel ang.
Nilaini zanah Rajiv Gandhi Stadium-ah semi-final hnuhnung zawk khelh a ni a. Ward No. XII in penalty hmangin 4-3 in Ward No. XVIII an hneh.
Hun pangngaiah team pahnihte 1-1 in an inhnehtawk a. Ward No. XVIII tan David Lalchhuanawma chuan minute 19-naah goal a khung a. Ward No. XII tan Lalremruata chuan minute 45-naah an si phurh a sut.
Penalty a chak zawk zawnnaah Ward. No. XVIII tan John Lalhruaitluanga leh Michael K Lalhriatpuia ten an penalty pet an khung lo.