Aizawl: Centre for Environment & Social Justice (CESJ)-in Seling leh Champhai inkar kawng (NH-06) laih mek hna thawktute, NHIDCL chu stay order pe turin Khawzawl leh Champhai district bawrhsap an ngen a. An ngenna a hlawhtling lo a nih loh chuan National Green Tribunal-ah khin an tum tih an sawi.
CESJ hian Champhai leh Khawzawl DC hnenah NHIDCL-ten kawng an laih mekah environment dan leh hrai zawm pakhat mah an neih loh avangin District Monitoring Committee (DMC) chairman an nih anga hma la tur leh NHIDCL chu an hna chawlh lailawktir turin an phut thu an sawi.
District bawrhsap pahnihte chu an thuneihna huam chhungah ram leilung fate zahna chhe te mah nei loa environment tihchhiatna nasa tak thleng leh environment dan zawm a nih loh avanga NHIDCL kawng laih mek hi kar khat chhunga stay order pek an phut a, an phut anga stay order hi pek a nih loh chuan NGT-ah complain an siam dawn niin an sawi.
CESJ hian environment dan palzutna a awm reng chung pawha action lak nghalna an hmu lo a nih chuan he hna thawktute, district thuneitute leh environment dan leh hrai kengkawhtu zawng zawngte pawh NGT-ah khin tel an tum thu an sawi bawk.