PC party President Vanlalruata’n Chief Minister Office (CMO) inrelbawlna hautak lutuk veiawm a tih thu sawiin, “Mi- nister dang 11 enk- awlna aiin Chief Minister enkawlna hi a hautak zawk” a ti.
Vanlalruata chuan Council of Ministers budget pumpui chu Budget tharah Rs nuai 713.18 a nih thu sawi- in, kum kallai 2022-23 budget-ah Rs. nuai 702.34 ruahman a nih laiin Rs nuai 754.04 hman tur anga pawisa dil belh a nih thu a sawi a. 2021-22 ah Rs nuai 603.91 hman a nih avangin kum kal- meka hman tur punna chu Rs nuai 150.13 lai a ni dawi tih sawiin, “hei hian rilruah zawhna a siam tam ngei mai” a ti a. “Kum kallai a sum hman aia tlem budget thara ruahman a ni leh lawi hian hmasawn tumna felfai awm loh zia a tarlang.” a ti bawk.
PC President chu- an “He Council of Minister budget-a 55. 14%, Rs nuai 393.25 chu Minister 11 en- kawlna tur a ni a. A bâk 44.85%, Rs nuai 319.93 chu Chief Mi- nister enkawlna tur a ni thung” tiin, “Hetianga CM enkawlna hautak em em chhan hi CMO (Chief Minister’s Office) tia kan sawi thin, Chief Minister’s Secretariat hra- npa, ropui tak mai Zarkawt-a kan neih vang a ni a. Hemi e -nkawl nan hian 2021-22 khan Rs nuai 255. 94 hman a ni” a ti.
Kum kallai 2022-23 ah a tirah Rs nuai 250.23 hman tura chhut niin, Rs nuai 273.23 hman leh za- wk tura ruahman na- wn a nih thu Vanlalruata chuan a sawi a. “Budget tharah Rs nuai 274.39 hman tura ruahman a ni a, heta senso leh senso tura ruahman tarlanah hian venhimna lam senso leh a bungalow enkawlna senso a la tel lo a. Chuvangin CMO hranpa nei lo ta ila thil dang tulah kan hlawkpui viau dawn a ni” a ti bawk.