Newcastle United midfielder Miguel Almiron chuan kum thum leh a chanve daih contract thar a ziak.
Kum 29 mi Paraguay international hian kum 2019 January thla khan MLS club Atlanta United atangin Magpies hi a zawm a. An tan inelna hrang hrangah vawi 152 inkhel tawhin goal 24 a khung tawh a. Heng zinga goal 10 hi tun season-ah a khung niin tun season a club top scorer a ni mek.
October thla a Premier League Player of the Month chawimawina dawngtu hi June 2024 thleng contract neilai a ni a, nimahsela tunhnaia a chetthat em avangin club lamin contract tha zawk an pe.
“Newcastle ka zawm veleh atangin ka thawkrim em em a, nitin hmasawn ka tum thin. Hei hi ka thawhrimna in a hlawhchhuah ve niin ka ngai.” a ti.