Mamawh a nih lai takin Juventus forward Angel di Maria chuan goal thum a khung a. Juventus in 3-0 a Nantes hnehin Europa League round of 16 an lut.
Ningani zanah Stade de la Beaujoire-ah Juventus hi Nantes in an mikhual a. First leg-ah 1-1 a inhnehtawk an nih avangin an hmabak a awlsam lo.
Mahse bul an tan tha nghal hle a, minute 5-naah Di Maria hian an goal hmahruai mawi takin a khung.
Nantes buai belhchhah turin defender Nicolas Pallois chuan Di Maria goal hnihna tur a ban hmang a a dan avangin hnawhchhuah a ni a. A penalty chawi hi Di Maria bawkin a khung a. Filip Kostic leh Alex Sandro ten an khung belh teuh hnuah second half tawp lamah Di Maria in an goal thumna a khung.
Juve manager Massimiliano Allegri chuan, “First leg result avangin inkhel awlsam a ni lova, mipui thawm a that avangin inkhelh awlsamna hmun a ni lo bawk. Chuvangin kan inkhelh danah ka lung a awi hle.” tiin an chak hnuah a sawi.
Inkhel dangah Italian club dang AS Roma tan Andrea Belotti leh Paulo Dybala ten goal an khung a, 2-1 in RB Salzburg an hneh. 2-0 in tlawm mahse 3-0 a first leg a chak Sevilla an tlang bawk.