Aizawl: Mizoram Journalists’ Association Serchhip District chuan nimin khan Annual Conference vawi 23-na an hmang a. K. Saitluanga, MIS, Deputy Director, I&PR chuan khuallian niin a hmanpui.
Serchhip Press Club-a hun hmanah khuallian chuan MJA chu pawl zahawm ber pawl nia a hriat thu sawiin, mipuite kaihruai thintu, kawng dik leh thudik kawhhmuh thintu an nih avangin a chhunga member-te inngaih aia nasain mipuiten an zaha a hriat thu a sawi a. Pawl hming tha tak ni zel turin duhsakna a hlan.
He hunah hian C. Lalhminghlua, President pawhin thu a sawi a. Zonunsanga Kawlni, General Secretary chuan report pein, Lalremruata Ralte, Treasurer chuan finance report a pe bawk.
He hun hi C. Ramengmawia, Vice President-in a kaihruai a, MJA member mi 14 an tel kim thei a. Conference Rorelin hun an hmang chhunzawm a ni.