Aizawl : Civil Hospital Lunglei-a Integrated Laboratory leh naupang damlo na zual enkawl- na tur Pediatric ICU chu Inrinni khan Hea- lth Minister Dr R Lal- thangliana’n a hawng.
Technical report-a a lan danin, Integrated Laboratory hi state fund atanga sak niin, sanctioned amount Rs. nuai 192.98, work or- der amount Rs. nuai 145.56 a ni a. Implem- enting deptt. PWD Mizoram niin, contractor KT Nghawra, Zohnuai Lunglei-in 28.10. 2021 ah hna tanin, 28.10. 2022 a zo a. A project hian building sak bakah tui supply na siam, pipeline siam- that, LT line shifting, site development leh underground tanky sak te a huam.
Integrated Laboratory-ah hian RTPCR room, extraction room pahnih, biomedical waste room, doctor office, RO plant, RNA extraction room, cool store, night duty room pahnih, staff office, sample reception & decontamination room, doffing, break room, utility service room leh inthiarna pathum a awm a. He building hi la sak chhoh zel tura ruahman niin, 1st floor-ah Biochemistry Lab, 2nd floor-ah Pathology lab leh 3rd floor-ah Microbiology lab te ruahman chhoh zel tum a nih thu sorkar thuchhuahin a tarlang bawk.
National Health Mi- ssion, Mizorama Mission Director Dr Eric Zomawia’n a sawi danin, naupang damlo na zual enkawlna Pediatric ICU chu sorkar laipui ‘India COVID19 emergency response & health system prepare- dness package: phase-II scheme atanga ruahman niin, ICU khum 4 leh HDU khum 8 a awm a. Portable EEG, portable X-Ray, 12 Lead portable ECG, Emergency cart, Blood gas machine, Invasive ventilator, portable su- ction leh khawl dang engemawzat dah niin, duty tur MBBS doctor pakhat, nurse 6 leh attendant 3 ruat fel an ni tawh bawk a ni.