Aizawl : MZP hruaitu ten nimin khan Power & Electricity department-a Engineer-In-Chief Er. Lalhmingliani Hmar chu a pisa-ah hmuin, zirlaite exam chhunga power supply khaihlaklo tura hmalaksak turin an ngen.
MZP chuan zirlaite tana hun pawimawh HSLC leh HSSLC exam nimin atanga neih tanah zirlai ten an zirlai tha taka an zir theih nan leh an exam hun chhunga power supply khaihlak lova pekchhuah a nih theih nan a theih ang anga hmalaksak turin E-in-C chu ziakin an ngen a. Harsatna awm thei hrang hrang pumpelh tura ruahmanna siam turin an ngen.
P&E E-in-C Er. Lal- hmingliani chuan HSLC leh HSSLC exam neih chhungin power supply khaihlak awm lo tura theihtawp an lo chhuahtur thu MZP hruaitute chu a lo hrilh a. Deptt. chhungah pawh power supply thazawk a awm theihna tura thuchhuah an lo siam ve tur thu a lo hrilh bawk niin MZP hruaitute chuan an sawi.
MZP chuan HSLC leh HSSLC exam hmachhawn mek zirlaite te leh hmachhawn tur te chu duhsakna an hlan a. Result duhawm tak an neih ngei an beisei thu sawiin, zirlaite rilru tiphawklek thei hrang hrang, ri beng- chheng leh harsatna siam lo turin mitin an ngen bawk a ni.