Aizawl : Bangladesh aṭanga raltlan Lawngtlai district-a lut te chhawmdawl leh enkawl zui dan tur sawihovin nimin khan Lawngtlai-ah sor- kar aiawh leh tlawmngai pawl leh zirlai pawl aiawh ten an sawihova. Nodal officer for Bang- ladeshi Asylum Seekers, DRDO Project Director Marilyn Rualza- khumthangi’n a kaihhruai.
Kalkhawmte chuan raltlan te chu an luhna khua te tan phurrit an nih loh na tura awmze nei leh zangkhaipui zawk tura lo enkawl dan tur chungchang te, ei leh bara an intodelh theih dan tur leh huan an neih theih dan tur te, thlai chi ngaihtuahsak chungchang leh an inh- lawhna tur chungchang te leh tul leh pawimawh da- ng tam tak an sawiho a ni.
Lawngtlai district th- uneitu ten an an chhin- chhiah danin, November 2022 leh a hnu lama Lawngtlai district-a Ba- ngladesh raltlan lut tawh mi 541 (mipa 291 leh hmeichhia 250) an awm mek a. An zinga mi 337 chu kum 18 chunglam niin, kum 18 hnuailam mi 204 niin, Lawngtlai district-a khaw pariat-a relief camp-ah te an awm hlawm.