Aizawl : Aizawl Municipal Corporation (AMC) hnuaia Local Council 3 – Durtlang Leitan, Zemabawk leh ITI Veng-a bye-election neih tura hman tur electoral roll ennawn mekah nimin khan draft electoral roll tarchhuah a ni a. Heng veng pathum-ah te hian voter mipa 6648, hmeichhia 7391, an vaiin voter 14039 an awm.
Draft electoral roll-a a lan danin Durtlang Leitan-ah voter mipa 1124, hmeichhia 1336, an vaiin 2460 an awm a. Zemabawk-ah voter mipa 3360, hmeichhia 3653, an vaiin 7013 awmin, ITI Veng-ah voter mipa 2164, hmeichhia 2402, an vaiin 4566 an awm a ni.
Durtlang Leitan LC member (general) pakhat chu a ban avangin a hmun ruak hnawhkhah tur a ni dawn a. Member 7 (general 5 leh reserve 2) awmna Zemabawk LC erawh thiah a nih avanga bye-election hi buatsaih tur a ni thung a. ITI Veng-ah erawh LC member pakhatin chatuan ram a pan avanga a hmun ruak hnawhkhat tura bye-election hi neih tur a ni thung.
Draft electoral roll tlangzarh a nih atang hian March ni 13, 2023 thlengin hming thunluh ngai, paih ngai leh siam- that ngaite siamthat dilna hun hawn a ni dawn a, March ni 21, 2023-ah final electoral roll tarchhuah tura ruahman a ni.