Tualchhung hmeichhe cricket inelna Women’s T20 Tournament 2022-2023 chu Inrinni khan final khelh a ni a. Final-ah wicket 6 in Team Blue in Team Red an hneh.
Tlangnuam Playground a khelh final-ah hian vuak hmasak thlang Team Red in over 20 chhungin run 107 an siam a. Wicket 9 an hloh. An zingah Thelma Laldinthari chu che tha berin ball 14 atangin run 28 a siam.
Team Blue tan Julie Malsawmtluangi chuan run 44 a siam a, Ramchhuansangi’n run 25 out lovin a siam ve bawk a. Over 19.1 chhungin run 108 an siam. Ball hmangin Team Blue tan Lalhmangaihsangi chuan wicket thum a la.
Tournament-ah hian tualchhung hmeichhe cricketer te team pali-ah then an ni a. Vawikhat theuh an inkhelh kual hnuah a sang pahnih in final an khel.
Final a Player of the Match a thlan Lalhmangaihsangi chu Best Batter leh Player of the Series a thlan a ni a. Tournament chhunga wicket sarih la Jacinta Laltanpuii chu Best Bowler a thlan a ni ve bawk.