Juventus in a sang pali zinga tel thei tura beiseina lian tawh lo tak an la neih chu an la ti nung zel a. An thenawm Torino lakah 4-2 in inkhel hmuhnawmah hnehna an chang.
Bianconeri hi an player lakluh dan fel lo chhui chhuah a nih hnuah point 15 paihsak an ni a, tunhnaiah league inkhelah a zawnin vawi li an chak.
Allianz Stadium-ah Derby della Mole chanchin a goal rang ber Torino in an khung a. Second 92 chhung lekin Yann Karamoh chuan mikhual team tan goal a khung.
Juventus in minute 16-naah Juan Cuadrado hmangin goal an khung a. Nipui a an lakluh Filip Kostic bawk a pawimawh leh.
Minute 43-naah Toronto tan Antonia Sanabria chuan goal a khung leh a, hei hi halftime hma in Danilo chuan a sut.
Juve striker Dusan Vlahovic chuan second half tan tirah goal bar tihper nghal mahse minute 71-naah chauh goal an khung a. Gleison Bremer chuan an hmahruaina goal tauh lutin minute 10 hnuah Adrien Rabiot chuan an goal hnuhnung ber a khung.
Juve coach Massimiliano Allegri chuan, “Team thiah har thin tak lakah football tha kan khel a, chak kan phu.”
“Mahse point 10 hi chu inthlauhna sang tak a la ni.” tiin a sang pali a tel chu an tan a la huphurhawm tih a sawi.