Denver Nuggets palian star Nikola Jokic chu NBA chanchin a triple-double vawi 100 nei tling thei player parukna a ni a. Houston Rockets 133-112 a an hneh tumin mellung thar hi a kai.
NBA Most Valuable Player a zawna kum hnih ni mek Jokic hian point 14 a score bakah rebound 11 leh assist 10 a nei.
Kum 28 mi hian tun season-ah triple-double vawi 24 a neihna a ni a. Tunhnai game 20 chhungin vawi 15 neiin Nuggets chetthat theih chhan lian zing ami a ni.
NBA chanchinah Russell Westbrook chu triple-double nei hnem ber niin vawi 198 a nei a. Oscar Robertson (181), Magic Johnson (138), Jason Kidd (107) leh LeBron James (106) ten an dawt.
Jokic chuan, “Theihtawpin ka inkhel a, tihian a rawn ni mai chu ka ti thei bik lo, mahse thenkhatte anga stats tha neih tum ngawr ngawr a khel ka ni lo, hei vang hian a lawmawm hle.” tiin a bung thar kai chu a sawi zui.