Prime Minister Kyriakos Mitsotakis-a pisa chuan thite chu ram pumah ni thum chhung sun an nih tur thu a puang nghal a, chhiatna thlenna hmun hi a tlawh nghal bawk.
President Katerina Sakellaropoulou pawhin Moldova a tlawh mek chu titawiin Greece panin a haw nghal.
“Vanduaithlak takin ka ram tlawh mek chu ka mite kianga awm ka ngaih thut avangin tihtawi a ngai ta a ni,” tiin Moldovan khawpui, Chisinau-a Moldovan President Maia Sandu nena thuthar lakhawmtute an kawmnaah a sawi.
Thessaly region Governor Konstantinos Agorastos chuan rel pahnih hian kawng inang an zawh thu a sawi a. “Chak taka tlanin pakhat zawk khalhtu hian a lam pana rel dang tlan chu a hre lo a ni,” a ti.
Passenger phur zawk pindan hmasa pali chu an tlankawng atangin an lum chhuak a, a hmasa pahnih chu a kang a, “A chhe deuh vek a ni,” tiin Agorastos chuan a sawi.