Zo Reunification Organisation (ZORO) chuan Manipur sorkarin Zofate chenna hmun hrang hrang, anmahni remtih thlap ni loa reserved forest-a puanga an in leh lo tichhiaa hnawhchhuah a tan chu an dem thu leh theihtawp chhuaha dodalin hma a la dawn tih an sawi.
Thu an chhuahah ZORO hian Zofate chunga Manipur sorkar thiltih hi hnam lian zawkin a te leh tlem zawkte a pawngnek leh palzutna a ni a, insawithiam ngaihna awm miah lo, human rights palzutna a nih thu an sawi a. Titawp nghal tur leh hnawh chhuahte pawh hi an awmna hmun ngaia in leh lo dinsak leh dahlet leh vek ngei turin Manipur sorkar a phut.