Shakira chuan a kawppui hlui Gerad Pique nen an inthen vanga a rilru natna a sawichhuak ta a, inthenna kha tak mai kha atan chuan tuarna nasa tak ni mahse, a hnu-a hlawkna petu leh chak zawka a awm theih nana nawr karl zawk, a ti.
“Thinlung leh rilru zawng zawngin mipa laka innghat tawp thinmi ka ni a, ka zep lo. Hmangaihna nen kan inhmangaih a, midang thlirna leh a lanna tlang dang atang pawh hian ka hrethiam tawh hle,” tia sawiin, a hun tawn ang tawng tawhte leh tawng mekte pawhin amah kaltlanga chakna thar an chhakchhuah ve ngei a beisei.
Hun eng emaw chen an nunpa inkara harsatna a awm tawh hnu-ah huaisen takin, ‘a tawk e, a tawk ta’ a ti ngam. A tlin lohna ngei pawh a hmuchhuak a, chu chuan chak tak leh huai taka awm thei turin a siam a ni, a ti bawk.
“Tunhma lam zawnga thutawp mumal taka ka siam hleih theih loh hnu ah huaisen takin, mahni inrintawkna nen ‘ka tha tawk a ni’ ka ti ngam a, heng rilru hi ka pu ngai lo. Tunah chuan ka famkim ta khawp mai,” tiin Shakira hian a sawi.