State Election Commissioner Laima Chozah chuan Lunglei Municipal Council (LMC) inthlan hi nikum kum tawpa neih a nih loh chhan chu sorkar inpeih hman loh vang niin a sawi.
LMC inthlana hmeichhe ward tur nimina DC Conference Hall, Lunglei-a pawhnaah thu sawiin Laima Chozah hian nikum December thla khan State Election Cimmission (SEC) chuan neih an duh a, sum hman tur a awm bakah e-roll pawh peih vek ni mah se, sorkar lam an inpeih hman lo niin a sawi.
Laima Chozah hian, “Municipal Act hian sorkar rawn tur a tih avangin sorkar a inpeih loh vangin nikumah inthlan kan buatsaih thei lo a. Tunah sorkarin an inpeih thu an sawi angin inthlan buatsaih turin hma kan la nghal,” a ti.
He hun hi R. Vanrengpuia, Deputy Secretary, State Election Commission chuan a kaihruai a ni.