Aizawl : Nimin khan Hill View Resort, Kelsihah Dam Veng Congress unit chhunga mipui intawhkhawmna neih a ni. He hunah hian congress mi leh sa za chuang zet kalin, programme hlimawm tak an hmang tih thuchhuah siamin an tarlang.
He hun hi Damveng Congress Unit President Pu K. Zosangluaia’n kaihruai a, he hunah hian Dr.Lalmalsawma Nghaka President, MPYCC in thusawiin, “Kan pi leh pute kha mi taima leh rinawm, mahni tawka intodelh leh zahawm tak a khawsa thin anni. Chu zia kan thisena la bet tlat chu a lo tho kan leh theih nan Congress Party-in |angpuihna Policy kan rawn chhawp chhuak a ni. He policy hmang hian mipui taima, mahni tawka intodelh leh zahawm kan nei thei a ni tih kan chiang a ni. He tangpuihna policy hi mipui mitin huap, kan zavaia tan a ni.
Congress party- in a ngaihpawimawh tur zinga mi chu Social Security Scheme niin, he scheme hnuaiah hian rualbanlo, hrisel lohna avanga tang ve thei lo leh Chhawmdawl ngaite leh dawmkan ngaite dawmkanna tur kawng mumal tak duan a ni dawn a ni. Mipui sawrkar, sawrkar tha leh viak tha din turin theihtawp kan chhuah dawn a ni. Party hrang hranga Chief Ministerial Candidate zingah Pu Lalsawta hi a tha lawt lak a, Kum nga hi min sawrkar pui chiah se Mizoram hian hmasawnna rahbi thar hmel a hmu dawn tih hi ka chiang a ni”, a ti.
“Kum 2023 Inthlanpui zawhah hian Mizoram hi a tha zawngin emaw a chhe zawngin a kal leh dawn tih hi thil awmdan en hian a chiang a, chuvang chuan duhthlan tur dik thlang a, dikna leh rinawmna nena ram enkawl thei tur, Mizoram hmasawnna bung thar min kaipui tur Pu Lalsawta thlang vek turin ka sawm a che u”, a ti bawk.
He hunah hian Aizawl S-II Block President Pu H. Lalduhawma’n thu a sawi bawk.
He hun hi Aizawl S-II Block OB dangte , leh thalai block hruaitu thenkhatten hmanpuiin, Dr.Mala hi MPYCC Hqrs. hruaitu thenkhatin an tawiawm bawk a ni.