ZPM thalai hruaitu ten Mizoram Law College building sak mek an tlawh thu sawiin, Law college building sak mêk chu luah tlaka an ngaih loh thu an sawi a, “ṭhiah vek ni rawh se” an ti.
February ni 28, 2023 khan Mizoram Law College building sak mek chu an tlawh tih sawiin, ZPM thalai hruaitute chuan Law college building sak mek chu a hna a chhiain, a ban leh a beam inzawmna te a khi chat vek niin an sawi a, hmanraw hman te pawh a chhe hle a ni tih chiang takin a lang niin an sawi.
ZPM thalai chuan Mizoram Law College building sak mek chu sak zawm zel tlaka an ngaih loh thu an sawi a. “Zirlaite himna atân college building sak mêk hi ṭhiah veka, a bul aṭanga sakṭhat a nih leh theihna tura hma la turin Mizoram sorkâr na takin kan phut” an ti.
Mizoram Law college building sak mêk chu sak zawh hun tura tihah an zo lo mai ni lovin, kum khat a ral leh hnuah pawh hna zaa 40 chauh thawh a la nih thu ZPM thalai chuan an sawi a. Hetih lai hian a sakna tur sum RUSA atanga ruahman Rs 1,70,00, 000 atanga Rs. 1,17, 96,000 chu pekchhuah a nih tawh thu leh a sak hun chhûng March 2023 thlenga pawhsei a nih thu sawiin, “sorkâr leh a satute inkârah hnung thak inhiahtawnna a awm em ni? tih hi ZPM thalai zawhna a ni a, sawifiah ngei turin sorkâr kan phut” an ti bawk.
ZPM thalai chuan “MNF sorkârin contract hna chhe lutuk hlir mipuite min hlui” tiin, mipui zahlohna leh thamlohna lian taka an ngaih thu an sawi a. “Zirna in leh zel pawh hetianga suasam a ni hi pawi kan ti a, hetianga MNF sorkar hnuaia chhe lutuka zirna in sak hi zirlaite zah- lohna leh zirna ngaihthahnaah kan ngai” an ti bawk a ni.