Trinamool Congress chuan nakuma India ram inthlan lo awm turah party dang thawhpui nei lovin, ‘mipui thlawpna nen’ anmahniin an chuh danw tih an party chief, West Bengal Chief Minister Mamata Banerjee chuan a sawi.
“Kum 2024-ah hian Trinamool leh mipui kan tangho ang a, political party dang kan tanpui danw lo. Mipui thlawpna nen keimahni chauhvin kan bei dawn,” tiin Banerjee-i chuan Ningani khan a sawi a ni.
“BJP hneh duh chuan min vote ngei ka ring. Hetih rual hian CPI(M) leh Congress vote chuan BJP an vote tho tihnaah ka ngai a. Chu thu dik chu vawiin pawh khan a lang a ni,” tiin Tripura-a assembly bial 60 inthlan result puana bial khat mah an lak loh chungchang nen a sawi zawm a ni.