Aizawl: INTACH Hqrs, New Delhi bultumin Zirtawpni khan DIET Aizawl Auditorium, Chaltlangah INTACH Mizoram Chapter leh Directorate of School Education, Mizoram chuan All India Essay & Poster Competition, 2023 – ‘Khana Khazana: My Food Heritage’ chu school naupang Class 7-9 zirlaite tan an buatsaih a, Aizawla sikul hrang hrang atangin naupang eng emaw an tel.
All India Essay & Poster Competition-a zirlai tel zawng zawngte chu certificate pek vek an ni dawn a. Regional lawmman 100 leh national Lawmman 10 a awm a, chungte chu INTACH Hqrs-in a rawn thlang dawn a ni.
INTACH hian zirlaite tan hnamro hrang hrang – khuanu duan sa, mihring siamchawp, hnam zia leh tawng an vawna humhalh duhna thinlung an lo neih zel theihna turin program a siam tawh thin a; Mizo zirlai lawmman dawng an awm fo tawh thin.
Kumin State Level Essay leh Poster Competition-ah hian zirlai naupangte hian mahni hnam chawhmeh leh ei rawngbawl chungchang lem leh essay hmangin inelna an nei a. Mizote chawhmeh leh bawlhlo danglam tak bai, sawhbawl, saum leh chingalte he inelnaah hian pho lan an ni.