Hollywood star Leonardo DiCaprio chu Malaysia dumdawng hausa leh money laundry thubuai lian taka inhnamhnawiha puh Jho Low nen an inkungkaihna chungchangah FBI-in thu an zawtfiah.
Low hi 1Malaysia Development Berhad scandal (1MDB scandal)-a a meizanghlaptu leh ram hrang hranga thuneitute’n an veh kual mek niin, dollar billion tam tak tihchingpenna chungchanga man ngei tuma an zawn ruk reng a ni.
Anni pahnih hi 2010 vela night club pakhata intawng an ni a, hemi tum hian sumdawnna tur thil leh project hrang hrang sawi dunin, an inhnimhnai zui hle. FBI chuan docoument hrang hrang an lipsena ah Low leh DiCaprio te hian inzawmna thuk tak an nei tih an hmuchhuak a, actor pawhin a zep lo. 2018 daih tawh khan, “Hna kan thawkdun a, sumdawn dunna atangin thiantha tak kan ni zui bawk.. kan inhmu zing tial tial a, inkungkaihna tha tak kan nei,” tin a lo sawi tawh.
Low hi money-laudering scheme liamtham, Malaysia sorkar investment liantham bi bawk, $billion 4.5 chuangzeta thuk taka inrawlha puh a ni a. 2009 khan khatih laia Malaysia prime minister Najib Razak hnuaia ramchhung hmasawnna tur lian tak atana sum tawktarh a ni a. Fund atanga dollar tam zawk tih mai tur hi high-level offiial te’n dik lo leh fel lo taka lachhuakin an mahni leh thawhpuite hamthatna tur atan an hmang khawlo nasa hle.