Atletico Madrid manager Diego Simeone chuan a club inkhel vawi 613 a enkawl zanah duhthusam a result tha an nei a. Sevilla 6-1 in an sawp.
Inrinni zana Wanda Metropolitano a inkhel hi Atletico Madrid hotupa in club chanchin a inkhel enkawl hnem ber record a siam zan a ni a. Club legend Luis Aragones record siam tawh chu a khum chiah.
Inkhelah Dutch forward Memphis Depay chuan a vawikhatna atan a club thar tan inkhel bul a tan a. A pu in a chunga rinna a nghah hi goal hnihin a rul let.
Substitute Alvaro Morata pawhin goal hnih a khung a. Sevilla hi second half-ah red card hmu an awm avangin an tlem zawk bawk.
Sevilla in Simone hnuaiah vawi 359 hnehna an channa a ni a. Tun season a an khelh that ber tum an hmang.
Antoine Griezmann leh Yannick Carrasco ten goal dang an khung a. Sevilla tan striker Youssef En-Nesyri chuan goal khat a khung ve thung.
Inkhel zawhah Simone chuan, “A chang hi chuan kan hun tawn a zir hian kan awmdan han sawifiah mai te hi a har thin. Ka rilruah thil tam tak a awm a, Luis nena kan kawng zawh hi a inang hle. A changin tihsual kan nei a, mahse ka awm duhna hmunah tak, ka hna tur tak ka thawk a ni.” a ti.