Paris Saint-Germain tana a goal 201-na Kylian Mbappe chuan a khung a, inkhel hmuhnawmah 4-2 in Nantes an hneh.
Inrinni zana Parc des Princes a Ligue 1 inkhelah Mbappe hian record siam turin minute 92 thleng a nghah a ngai a. Mahse a hun a lo thlenin a ke veilamin tihsual nei miah lovin Edinson Cavani record siam chu a khum.
PSG in Lionel Messi leh Jaouen Hadjam own goal nei hmasa mahse Ludovic Blas leh Ignatius Ganago hmangin Nantes in an chhanglet a. Danilo leh Mbappe ten goal an khung belh bawk.
“Chanchin ropui nei a, record ropui tak tak siam turin ka inkhel. France-ah hnuhma ropui tak neih ka duh tih hi ka zep ngai lo. Kan ram khawpuiah ngei, record ka siam thei hi ropui ka ti a, mahse hmabak tam tak kan la nei.” tiin Mbappe chuan a sawi.