Italy a UEFA Champions League khelh inchuhna kal zelah AS Roma in hnehna pawimawh an chang a, 1-0 in Juventus an hneh.
Stadio Olimpico a Pathianni zana inkhelah Roma in Thawhlehni zana chak la nei lo Cremonese laka an tlawmna chu nawhreh tumin an khel a. An tumah an hlawhtling.
An tan defender Gianluca Mancini chuan inkhel a goal awmchhun mawi takin a khung.
Juventus in second half ah substitute Moise Kean dah luh hnu lawkah red card a hmu zui bawk.
Roma hi mahni mual bikah a zawna match nga hnehna an channa a ni a, goal chhuah lo vek bawkin palina an hauh mek.
Inkhel dangah Inter Milan in pahnihna a an dinhmun an ti nghet a. Lecce lakah 2-0 in hnehna an chang.
San Siro-ah Inter tan hian Henrikh Mkhitaryan leh Lautaro MartÃnez ten goal an khung a. Hmahruaitu Napoli umphak huphurhawm tawh mahse a sang pali a tel ngei turin an dinhmun an siamtha zel.