National People’s Party (NPP) President Conrad K Sangma chu Thawhlehni khan a zawna a vawi hnih nan Meghalaya chief minister atan lak luh a ni.
Raj Bhavan, Shillong-a lak luh inkhawmah hian Governor Phagu Chauhan chuan rinawmna thu tiamtirin Sangma hi a la lut a, a rual hian NPP MLA pasarih, UDP pahnih leh BJP leh HSPDP atangin pakhat ve ve chu cabinet atan lak luh nghal an ni.
Prime Minister Narendra Modi, Union Home Minister Amit Shah, BJP president J P Nadda leh Assam Chief Minister leh NEDA convenor Himanta Biswa Sarma ten lak luh inkhawm hi an telpui.
NPP MLA pahnih, Prestone Tynsong leh Sniawbhalang Dhar te chu deputy chief minister an ni ang.
Marcuise N Marak, Rakkam A Sangma, Ampareen Lyngdoh, Comingone Ymbon leh A T Mondal te chu NPP atanga cabinet minister atan lak luh an ni a. BJP atangin A L Hek, UDP atangin Paul Lyngdoh leh Kyrmen Shylla leh HSPDP atangin Shakliar Warjri te chu minister atan lak luh an ni.