Aizawl : MUP, District Hqrs., Khawzawl-in nimin khan Assembly vawi 2-na, Zuchhip YMA hall-ah an hmang a, bialtu MLA, Deputy CM ni bawk Tawnluia’n hmanpuiin, a tula hman atan Rs 30,000 a pe.
Tawnluia chuan MUP member ni thei tura Pathianin taksa leh rilru damna leh hriselna a pek chu a hlu hle tih sawiin, MUP member nih chu hreh lova, law- mna tur leh Pathian malsawmna dawn ava- nga lawmthu sawina tur zawk a nih thu a sawi a. Vanglai hun te pela upat ni hun hmang theia an dam chu an vannei tih sawiin, “Pathian hnena lawmthu sawi mawlh mawlh tur kan lo ni”, a ti.
Deputy Chief Minister chuan kum upate hlut thiam leh zahthiam a pawimawh thu pawh sawiin, Khawzawl district-in upa thahnem tak a nei chu lawmawm a tih thu a sawi a. Khawtlang leh kohhran rawngbawlna kawnga thawhhlawk tak an ni thin pawh fakawm a tih thu a sawi.
Taksa chaklohna avanga engmah ti thei lo tura indah a fuh ber lo tih sawiin, Tawnluia chuan “finna leh remhriatna Pathianin min pek hi kan hmang tangkai thei a, tarchhia/tarat tih tawngkam hi kan hmang ve tur a ni lo”, a ti a. Phak tawk leh theih tawk erawh hriat a tul thu sawiin, “tangkai theihna kan la nei a ni tih hriaa nun kan hman a ngai a ni”, a ti.
MUP member te chu an tawnhriatte chh- awr tangkaia thalai zawkte thurawn petu leh midangte tana malsawm na nih tum hram hram turin Tawnluia chuan a sawm a. Indahhniam bik mai lo tur leh a eng zawnga thil thlir thiam zel turin a chah bawk.