Central YMA chuan hnam dangin Mizoramah cement work hna hrang hrangah an duh zat zat inchhiara theka hna an thawh thin chu tha lo tiin, rate thar an siam a, mipuiten zawm theuh turin an ngen.
Thawhtanni zana Central YMA executive committee thukhawm chuan, hnamdangin cement work hna hrang hrangah an duh zat inchhiara thekhaa hna an thawh thin chu an veiin, hun rei tak atangin thekha rate siam turin hma an lak thu an sawi a. Mizoram Mistiri Association leh pawl hrang hrangte nena an inrawnkhawm hnuah, mumal taka theka rate neih theih nan ruahmanna an siam chu mipui ten zawm theuh tur leh hei anga sanga mistiri chhawr lo turin an ngen a. Branch YMA tin te pawh an huamchhungah zawm that a nih leh nih loh thlithlai nghal turin an hriattir.