PC party Sr. Vice President Lalrin- zuala Chawngthu-in “Zu chhe in avanga Mizo thalai nunna chan tam lutuk veiawm kan ti” a ti a. PC party chuan zu khap bur chu Zoramin a ṭhatpui aiin a chhiatpui hle zawka an ngaih thu a sawi.
PC Sr. Vice President chuan tunhnaiah Mizoram Excise department-in thalaite zu tlan ṭhinin reilote chh- ûnga mihring hriselna a khawihchhiat nasat theih zia leh nunna a pawhtawi theih zia an thuchhuahah an tarlan rualin, zu siamna hmunpui an tihchhiat te pawh TV leh nitin chanchinbu lamah te hmuh tur a awm thu sawiin, hei hian zu in duh leh zu in lo thei lo te tan zu ṭha leh pang- ngai zawrhna, inkhu- ahkhirhna dan hnuaia awmze nei leh fel taka kalpui a ṭul zia a tila- ng chiang niin a sawi.
Lalrinzuala chuan zu chhe nghawng ni ngeia ngaih theih tura Mizo ṭhalaite nunna chân tam zia sawiin, “Kumina CKTP rorel inkhawm Zemabawk Presbyterian biak-ina neihin a tarlan danin kum 2022 chhûngin KTP member 643 an thi a, hei hi Mizorama KTP member boral tam ber kum a nih thu report-a a lan dan a ni” a ti a. Hei bàkah pawh hian vengtin, khawtina zu chhe in avanga ṭhalai leh pavalai tak tak boral engemawzat an awm thu a sawi bawk.
PC Sr. Vice President chuan zu zawrh leh zu in chu ṭha an tih loh rualin khawvel awm chhûngin Zoramah ngei pawh, zu in duh leh zu in lo thei lo dinhmuna dingte an awm reng dawn nia a lan thu sawiin, zu khap bur inti chung reng sia zu chhe in tur awm reng leh khap rem theih chuan si loh buaipuia thih zawih zawih reng ai chuan, inkhuahkhirhna mu- mal leh awmze neia zu siam chu ram leh hnam hmakhua atan leh ram economy hmasawn zel nan pawh ṭul an tih thu a sawi bawk a ni.