Season thar a Europe huap inelna a tel beisei a kal Torino in hnehna pawimawh an chang a. Tunhnaia an forward che tha Yann Karamoh goal mawi khung hmangin 1-0 in Bologna an hneh.
Turin khawpui a Stadio Olimpico Grande Torino a inkhelah French forward Karamoh hian minute 22-naah Antonio Sanabria ball pek chu mawi takin a la a. Defender pakhat a bum hnuah pahnih inkarah ball lalutin goal-ah a khung hma in defender dang pakhat a bum leh hman.
Torino hian tunhnai match li chhunga a vawikhatna atan hnehna an channa a ni a, table-ah pakuanaah awm mekin an chung a awm team an hneh a, an pahnih inkar a zim sawt.
Torino goal khungtu kum 24 mi Karamoh hian tunhnai match ruk chhungin goal li a khung tawh.
Thawhtanni zan Serie A inkhel dangah Mapei Stadium lamah inkhel hmuhnawmah Sassuolo in huntawp dawnah chakna goal an khung a, 3-2 in hnehna an chang.
AS Roma an barakhaih hnuah Cremonese in point an hlawhchhuak leh dawn niin a lang hman a. Cyriel Dessers chuan second half-ah Armand Laurienté leh Davide Frattesi te goal khung sut turin goal hnih a khung a. Nimahsela Nedim Bajrami chuan Sassuolo chakna goal hi minute 92-naah a khung.