Shah Rukh Khan channe In-a lut ru mi pahnih chu darkar 8 hnu ah manchhuah niin, police kutah hlan an ni.
Mumbai khawpui Mannat-a SRK chennna In hi venhimna a thuah a thipa kalpi karah Shahil Salim Khan leh Ram Saraf Kushwala te chuan zing khawvar hmain an lawn liam a, SRK-a makeup room chhungah an biru.
An birukna hmun hi chhawm thumna a ni a, police sawi danin nimin zing dar 3 vel khan an lut ru a, a tuk zinglam dar 10:30 velah manchhuah an ni.
Bang lian leh chhah tak an lawn liamnaah lamah hemite pahnih hian hliam an tuar nual a, lei lama an zuanthlakna ah pawh an insawh na ve angreng. SRK leh security guard te’n Mumbai police kutah an hlan hma hian an hliam buaipuin first aid an pe.