Bihar-a Gaya district-ah thingtlang khaw mi pathum chu sipaiten silai kah an zirna hmun atanga mortar shell tla chhuak puak avangin an thi tih Nilaini zing khan police officer-in a sawi.
Senior Superintendent of Police, Gaya, Ashish Bharti chuan vanduaina hi Gularved khuaa thleng a nih thu leh mi parukin hliam an tawrh thu a sawi.
An zavai hian Anugraha Narayan Magadh Medical College & Hospital-ah lak nghal an ni a, damdawi inah hian an zinga pathum, hmeichhe pakhat telin an thi tih a sawi.
Mi dang pathumte pawh hi an dinhmun tha lo hle niin SSP chuan an sawi a, hmeichhe pahnih an tel nghe nghe a. Thil thleng hi chhui turin police team an tirh nghal thu a sawi bawk.