Aizawl : Nimin khan Vairengte Joint VC kaihhruaina hnuaia All NGO thukhawm chuan, Vairengte damdawi In (CHC) a doctor post nghet sa sawn chhuah chungchangah resolution an siam.
Resolution-ah Lengpui doctor Suangpuilawn a insawn tur a thupek awm sa, cancel leh a nih avanga Vairengte doctor thlak tu awm lo a Suangpuilawn a sawn a ni chu Vairengte mipui chuan hriatthiam har an tih thu te, a thlaktu tur hi sorkarin a rang thei ang bera dah tura an phut thu te, Vairengte doctor hi a thlak tu an awm hma chuan Vairengte hi a chhuahsan rem an tih loh thute leh an ngenna a hlawhtling lo a nih chuan a tul ang zelin hma lak an tum thu an tar lang.
All NGO chuan Vairengte damdawi in CHC hi ramri dep a awm niin, Vairengte khaw chheh vel khaw hrang hrang ten an pan khawm ber a nih bakah, ramri hnaih sipai duty-te pawhin an pan ber leh rikrum thil leh accident thilah pawh pan ber thin a ni a. Hetianga a thlaktu tur dah lova a awmsa sawn chhuah hi an rem tih loh thu an sawi.