Aizawl : Ex-Servicemen League Sub-Hqrs, Kolasib district-in nimin khan assembly an hm- ang a. Kolasib bialtu, Minister K. Lalrinliana’n a telpui a. He khawmpuiah hian member boral te sunna hun leh member kum 80 chunglamte chawimaw- nna hun an hman bawk.
Minsiter ram tana nun- na thapa thatlai hun hlan- tute zahna chibai bukin, Hna atanga an chawlh hnuah pawh khawtlang tana thahnemngaia khawtlang kawng dika kaihruaitu an nih thu sawiin, ram kaihhruaina kawnga thaw- hhlawk tak tak an awm thin pawh fakawm a tih thu a sawi.
Hindi thiam intihhmuhna kawng ah te, taksa insawizawi kawngah te leh hrisel tura insumtheihna leh mahni inthunun kawngah te Mizo thangtharte enta- wntlaka awm chhunzawm zel turin Ex-Servicemen te chu a chah bawk.
Maj. Z. Pachuau (Retd.), DSW & RO pawhin thusawiin Sainik Welfare & Resettlement Office chu Ex-Servicemen-te tana thawktu an nih angin a mamawhtute tan engtiklai pawhin tanpui turin an inpeih reng thu a sawi a. Sor- kar hnuaia Ex-Servicemen te tana hamthatna awm te zirchiang thin turin kalkhawmte a chah.
Secretary report-a a lan danin Ex-Servicemen League hi kum 1977-a din niin, Kolasib district ah member 600 chuang an awm mek a. Kolasib khaw chhungah member 160 vel an awm. Kum 2019 atanga 2023 inkar khan member 33 boral an awm a, member kum 80 chung- lam 25 an awm mek bawk a ni.