Aizawl : Champhai leh Khawzawl district-a damdawi zuartu te tan nimin khan I&PR Auditorium, Champhaiah orientation training buatsaih a ni a, he hun hi Directorate of Health Services-a Drug Controller and licensing authority Lalsawma Pa- chuau-in a hmanpui.
Drug Controller and licensing authority Lalsawma Pachuau chuan damdawi zuartu ten damlote thih leh dam chungchangah mawhphurhna lian tak an neih thu sawiin, damlo ten an mamawh tak dam- dawi an ei theihna tura an pawimawhna a sawi a. Damdawi zawrh chu thil dang zawrh nena thil danglam, licence neih ngai a nih avangin department pawh a fimkhur tih sawiin, a zuartute pawh an fimkhur hle a tul thu pawh a sawi.
Damdawi zuarte tana zawm tur dan siam te zawm theuh tura chahin, khawvel changkannain a kentel hmasawnna hrang hrangte ban phak ve zel tura inzir zel turin a chah a. Damlo mangang hmachhawn thin an nih avangin an mahni dawrtute chu hawihhawm taka dawngsawng thin turin a chah bawk.
Training-ah hian damdawi zuartu kalk- hawmte chu an mawhphurhna hrang hrang te, dan bawhchhiatna awm thei leh a hremna dante zirtir an ni a. D- amdawi lem, mihring tana tha lo zawrh palh theihna laka fimkhurna tur hrang hrangte bakah mipui nunna chungchanga mawhphurhna thui tak an neih thute zirtir an ni.