Jehovah’s Witnesse-te hi sakhaw pawl an ni a, Kristian rinna nei movement ang an ni ber a, kohhran ang chiah erawh an ni lo va, kum zabi 19-na hun laia US-a din a ni.
Kum 2022-a report tihchhuah hnuhnung berah chuan khawvel pumah Jehovah’s Witness pawla tel hi mi maktaduai 8.7 chuang an awm a, heng zinga mi 1,70,000 vel chu Germany-a mite an ni.
Beihna thlenna khawpui, Hamburg-ah pawh hian an pawl mi 4,000 chuang an awm.
Jehovah’s Witness hi hriat an hlawh dan ber chu in tina lut lawra chanchin tha hril hna an thawh thin chu a ni a. In hrang hrangah hian Bible thu ziakte an sem a, mi hnenah hrilh fiahna an pe kual thin bawk.
An rin dan leh Kristian an nihna atanga an thlirin Kristian Kohhran hrang hrangte chuan Bible zirtirna an kalsan mek zel a, Pathian duh dan leh a tirh ang tak takin an thawkin rawng an bawl ta lo niin an ngai.