German champion lai in goal chhuah hmasa zawkah tang mahse first half-ah goal li khungin an chhanglet a. Goal riat luhna inkhelah 5-3 in Augsburg an hneh.
Inrinni zana Bundesliga inkhel result avang hian Bayern Munich in point thum an hmu a. An hmelma Borussia Dortmund chuan hnehna an chan ve theih loh avangin German league table-ah Bayern in hma an hruai.
Allianz Arena-ah Mergim Berisha hmangin Bayern in minute 2-na lekah goal an chhuah nghal.
Striker Eric Maxim Choupo-Moting chhawr thei lo mahse Bayern in goal khung an harsat lo.
Minute 15-naah Joao Cancelo chuan an si phurh a sut a. An defender Benjamin Pavard chuan goal hnih khung belhin Leroy Sane chuan an goal li na a khung a.
Halftime dawnah Barisha bawkin penalty a khung leh hnuah vengtu nei lova awm Alphonso Davies chuan Bayern goal nga na a khung a. Huntawp hma in Augsburg tan Irvin Cardona chuan goal khat a khung ve leh a ni.
Inkhel dangah Schalke in Veltins-Arena-ah Borussia Dortmund an mikhual a. Dortmund in Nico Schlotterbeck leh Raphael Guerreiro te hmangin tum hnih hma an hruaina an hum thei lo.