Real Madrid in La Liga match hnuhnung pathum an khelh atanga an chak vawikhatna ni turin Espanyol an hneh a. An tana kar pawimawh tak ni thei tur chu hnehna chang in an hmachhawn dawn.
Santiago Bernabeu a inkhelah hian Espanyol in minute 8-naah goal an khung nghal. Joselu chuan Catalan club tan goal a khung.
Tun season-ah league goal 12 a khungna a ni a, La Liga top scorer intlansiaknaah pathumna a hauh mek.
Mahse Real Madrid in Vinicius Junior leh Eder Militao te hmangin first half-ah an chhanglet a, second half-ah Marco Asensio chuan an goal thumna a khung.
Carlo Ancelotti pawlte hian thui taka an season hril thei tur inkhel pahnih tunkarah an hmachhawn dawn.
UEFA Champions League-ah Liverpool nen inkhel tur an ni a, Kartawpah league inkhelah Barcelona an hmachhawn leh ang.