Defence Minister Rajnath Singh chuan nimin khan Bi-annual Indian Air Force, IAF Commanders’ Conference 2021 chu Air Headquarters Vayu Bhawan, New Delhi-ah a hawng.
Conference-ah hian IAF lama hotu lawk ber berte an tel a, an tum ber chu hun lo kal zel turin IAF-in beihpui a thlaknaa harsatna awm theihte lo thlir lawka a sut kian dan tur lo ruahman a ni.
Thlawhna sipai hotu lawkte hi vawi eng emaw zat an thukhawm dawn a, ni thum awh tur niin IAF-in tunah leh nakin lama hmabak hautak leh harsa a neih theih turte hmachhawn tura kal dan phung (strategy & policy) tur hrang hrang ngaihtuahin an sawiho vang.
Mihringin tha a thawh theihna lam tur chi bakah khawl leh hmanrua telna turte pawh duan a ni bawk ang.
Tun tum thutkhawmah hian ram venhimna kawnga thil pawimawh hrang hrang an sawiho dawn a, sipai hotu lawk tak takte an tel dawn a. Tun hnaiah China nena India inkar a that tawk loh avang leh khawchhak leh hmarchhak lamah Chinese sipaiten thawm an neih reng avangin chungte chu an sawiho tur lian ber zinga pakhat a ni.