Aizawl : Aizawl Art Gallery, Khatla-a Tanpuia 10th Solo Painting Exhibition chu nimin khan I&PR Minister Lalruatkima’n a hawng.
I&PR Minister chu- an painting chuan thluak hriselna a siamthat bakah mihringte thil vei dan a siamthain a ti thanglian tih a sawi a. Ngaihtuahna leh thuin a sawifiah zawh loh a hrilhfiah thinin; lem- ziak-te chuan mawina bakah awmze thuk tak tak an nei thin a, en ringawt pawha mi tihahdam sawng sawng thei niin, ram changkang apiang ten arts/lemziah te chu an hlutin an ngaisang tih a sawi.
Lemziah chu talent anga sawi thin a nih rualin, zira thiam theih thil a nih thu Lalruatkima chuan a sawi a. Thiamna nei te pawh an practice nasat dan azirin hma an sawn zel thin tih a sawi bawk.
Tanpuia 10th Solo Pai- nting Exhibition-ah hian Laltanpuia lemziah 46-phochhuah a ni a, tun thla ni 22 thleng a awh ang.