Mi mal ta Indian airline pakhat chu a chuang pakhat a thih avangin Pakistan-ah hmanhmawh takin a tum.
IndiGo thlawhna hi Delhi atanga Doha pan niin Thawhtanni hma takah a tum a ngai a ni.
Pilot hnenah a chuang zinga mi Nigerian pakhat chu ‘a thawk tawpin marphu pawh hmuh a ni lo’ tih hrilh a nih hnuah Karachi panin a thlawk nghal ta a ni tih airport chuan a sawi.
Thlawhna tumhmun an thlen chu a thi tih nemngheh a ni zui ta a ni.
IndiGo chuan an thlawhnaa thil thleng chu ‘pawi an ti tak zet’ tih an sawi.
India leh Pakistan hi ram inthenawm ni mah se an inngeih lo hle a, kum 1947-a an ram a piana an inthen hnuah vawi thum lai an indo tawh nghe nghe.
July, 2019 khan Pakistan chuan a ram chung boruak chu civil mi phur thlawhna tan a hawng vek a; mahse, thla nga hnu lekah India nena an inkar a chhiat thar leh avangin a khar lehnghal a. Ram pahnih inkarah hian thlawhna thlawk pawh a awm miah lo a ni.
IndiGo thlawhnaah hian passenger 163 an chuang a, Karachi-a Jinnah Terminal International Airport-ah hian Thawhtanni zing lam, Pathianni zanlai pelhah a tum a ni.
Civil Aviation Authority Pakistan chuan mipa kum 60 mi hi van sanga an thlawh laiin a chau thut a, captain-in Karachi air traffic control biain doctor leh ambulance inring turin a ngen nghal bawk tih an sawi.
An tum fela an endik chuan passenger hi a lo thi tawh tih airport-a medical team chuan an sawi ta a ni.
Karachi-ah hian darkar li vel an din khawmuan hnuah an tum ram pangngai panin an thlawk chhuak leh ta a ni.
“He thil hian min tihrehawm tak zet a, a chhungte leh a lainate kan tawngtaipui a ni,” tiin IndiGo chuan thu an chhuah.