Indian Super League semi-final hmasa zawk second leg chu Pathianni zanah Bengaluru FC leh Mumbai City FC ten an khel a, penalty hmangin Bengaluru an chak.
Sree Kanteerava Stadium-ah 2-2 aggregate in team pahnihte an inhnehtawk hnuah 9-8 in Bengaluru FC an vannei zawk a. An goalkeeper Gurpreet Singh Sandhu chuan an chakna penalty a save.
Inkhel pangngaiah 1-0 a chak tawh Bengaluru FC chuan penalty chawi mahse Greg Stewart penalty pet chu Gurpreet hian a lo dansak tawh.
Javi Hernandez hmanga goal khung zuiin an dinhmun a tha hman viau. Mahse Mumbai in halftime hma leh hnu ah Bipin Singh leh Mehtab Singh te hmang a chhangletin extra time thlengin team pahnihten an khung belh leh tawh lo.