Tunhnaia Champhai district-a dan zawm lova lo/huan hala ram tikangtu nia puhte lakah Champhai district level fire prevention committee hmingin Member Secretary, DFO Champhai Lalduhthlana’n Champhai Police Station-ah FIR a thehlut.
FIR thehluh a nih chhan hrang hrang tarlan zingah huan/lo hal hmaa VC te hriattir hmasak loh te, huan/lo hal atanga hmundanga kangmei a chhuah loh na tura meilam phiah ni lo em- aw phiah ni si, mahse kangmei chhuak veng tura meilam sial zau tawk lo tih finfiah a nih avang te, kangmei chhuakin ram zau tak tichhiain thing engemawzah a kanral avang te, khawtlang ti raltia a bul vela in te tana hlauhthawnawm a thlen avang te, fim- khur lo taka lo/huan hal leh thuneitute tawiawm that loh te a tel.
Ram tihkanna hm- un FIR a tarlante chu Ngur khaw hmun hl- uia March ni 6, 2023 a huan hal avanga a bulhnaia mimal huan tin 12.5 vela zau kang te, leipui hal avanga March ni 8, 2023 tlai dar 5 vela Kanan Veng thlanmual ram kang te, March ni 11, 2023 chawhma dar 10 vela Chhungte V/C ram chhunga Hnahthi- al sih chunga lo hal avanga kangmei chh- uak leh hemi avanga ram tin 50 vela zau kang te, March ni 13, 2023 chawhma dar 11:10 vela Tlangsam tuikhuah kawra huan hal avanga Tlangsam VC ram leh a ep chiaha awm Forest department plantation-a kangmei chhuakte a ni.
FIR hi kangmei tichhuaktua puh mi 6; Ngur khua 1, Kanan Veng 4 leh Tlangsam 1 te lakah thehluh a ni.