March 31, 2023-a Union Home Minister Amit Shah rawn zin tur chungchang ngaihtuahin nimin khan chief secretary Dr Renu Sharma hovin an thukhawm.
Chief Secretary’s Conference Hall-a thutkhawmah hian Zokhawsanga Assam Rifles Complex satu contractor Engineering Projects (India) Limited chuan an hnathawh hrang hrang component 13 an zawh vek thu leh quarters thenkhat, Assam Rifles hnena hlan chhawn tura an pek tawh, Assam Rifles lamin an lakchhawn theih rih loh chiah mutan an neih thu an sawi.
Assam Rifles aiawhte leh state sorkar official-te nen sawiho a nih hnuin vawiin chawhnu dar 2:30 ah a hmunah endik tum a ni a. Hemi hmuna Union Minister hova official function neihna tur hmunhmate pawh enfel nghal tum a ni.
Union Home Minister Amit Shah hian Zokhawsanga Assam Rifles complex a hawn bakah, cheng nuai 193 senga sak tura ruahman AR Ground sira Laldenga Cultural Centre sak tur lungphum a phum bawk ang.