Aizawl : Laltanpuii, Zozia Silk & Handloom-in National merit certificate award a dawng a, he chawimawina hi nimin khan Commerce & Industries changtu Minister Dr. R. Lalthangliana’n Laltanpuii hnenah a hlan. Chawimawina hlanna hun hi Sericulture Minister Er. Lalrinawma’n a telpui bawk.
Silk Puanchei’ tah kawnga a thiamna leh hnathawhthat avangin Laltanpuii hnenah hian sorkar laipuia Textiles ministry hnuaia Development commissioner for handloom-in National merit certificate award hi a pe tih sorkar thuchhuah chuan a tarlang a. He chawimawina hi kum 2018-a pek ni tawh mahse, hri leng avangin tunah a dawng kim thei ta chauh niin a tarlang bawk a ni.
Sorkar thuchhuahin a tarlan danin Laltanpuii hi Zofate zingah Handloom lama National award dawng thei pahnihna niin, Zodinpuii (L), Tuikhuahtlang-in kum 1988-ah a lo dawng tawh a, Laltanpuii chawimawina dawn hian thuziak leh Rs. 75,000 a keng tel.