BJP thalaiin Chief Minister, Finance Minister ni bawk Zoramthanga’n March ni 15, 2023-a MJA-in an member te puala Mizoram budget zirhona an buatsaih a hmanpuinaah Mizoram leiba a engto loh thu a sawi nia sawiin, mak an tih thu an sawi a. “Mizoram CM hian chianlohna ruk tak a nei ni hialah kan ngai” an ti.
BJP thalai chuan “Chief Minister berin kan leibat a engto lo hi a makin, hetiang CM Mizoramin kan nei hi India rama state vanduai ber kan ni awm e” an ti a. Chief Minister chu a department chan pawh enkawl fel hleithei lovah puhin, “A hnathawkte hlawh tur puk chawpa pek ngai reng CM hian zah nachang a hrelo a nih pawhin, a sum puk tuartu mipui tal hi zah ve rawh se” an ti.
“Thuthar thehdar- htute hmaah mahni leibat chungchang a engto loh thu leh hlim tak leh thawveng taka a la sawi ngam te hian Mizoram mipuite kan vanduai zia a tilang chiang hle” BJP thalai chuan an ti a. Zahthlak an tih thu an sawi.
BJP thalai chuan BJP sorkarna state dang zawng zawngah sorkar tha a awm zel thin nia sawiin, BJP chu kum 2023 MLA inthlan lo awm turah sorkarna chan tir chhin turin mipui an sawm a ni.